PROJEKTE NDËRKOMBËTARE DHE PËRFAQËSIME
Krijimi i Korridoreve Ekonomike dhe Korridoreve të Kulturës si ndihmëtarë të stabilitetit dhe zhvillimit në Ballkan, përmes nismave të promovimit të sipërmarrjes, shinat mbi të cilat ka avancuar filozofia e përditshme e punës së KlikEkspoGroup. Çdo panair, çdo partnership i ri, çdo nismë e re që gjenerohet e çel nga laboratorët e KlikEkspoGroup, nxjerr në pah një hologramë këndgjerë çka e bën kompaninë të besueshme dhe të besuarën e qindra bashkëpunëtorëve: jetëgjatësia dhe qëndrueshmëria afatgjatë në track-un e suksesit, network i "populluar" bashkëpunëtorësh, oferta dhe argumente të gjeo-personalizuara, portofol i pasur klientësh e databazë e plotë potencialesh, blatimi e përkushtimi ndaj klientit 360 gradë. Që nga fushatat paraprijëse të kërkimit të tregut për investitorë të të gjitha përmasave e buxheteve, hulumtim i parcelave të tregut dhe zbulimi i trendeve gjithnjë një hap përpara, angazhimi dhe anëtarësimi në cluster dhe konsorciume të biznesit, vëzhgues e njohës të situatave socio-ekonomike në Ballkanin e "ndërsjelljeve të mëdha", këshilltarë të urtë imazhi e zgjedhjeje, të gjitha këto premisa kristalizojnë KlikEkspoGroup si bashkëpunëtorin që po kërkoni në Shqipëri, Ballkan dhe Evropën Juglindore.
PROJEKTE NDËRKOMBËTARE
Ndër projektet Madhore për vetë Qeverinë e Shqipërisë, dhe një prej të cilëve çeli dhe një shteg të ri në rritjen profesionale të KlikEkspoGroup në sektorin e mbrojtjes, sigurisë, menaxhimit të rrjeteve dhe sistemeve elektronike, dhe prodhimit të dokumenteve të sigurisë së lartë, do të përmendnim "Prodhimin dhe personalizimin e Pasaportave të Shtetasve Shqiptarë", realizuar nga prestigjiozja gjermane Bundesduckerei GmbH, Berlin, Germany, për llogari të Ministrisë së Brendshme të Shqipërisë. KlikEkspoGroup nën tagrin e Partnerit Lokal u angazhua në të gjitha hallkat e realizimit të projektit disa vjeçar dhe në veçanti në sektorin e Mirëmbajtjes të Sistemit Elektronik të Asistencës (Helpdesk) dhe Mirëmbajtjes së aparaturave dhe pajisjeve hardware për të gjitha postet e punës në territorin e Shqipërisë.
KlikEkspoGroup me profesionalizëm përmbushi me sukses Projektin e "Konceptimit dhe Realizimit të Pavijonit të Shqipërisë në World Expo Milano 2015". Nga data 1 maj deri ne 31 Tetor 2021, 184 ditë ngjarjesh, festash, takimesh biznesi, politikë e bërë përmes modus vivendi nga mbi 145 vende të botës, Expo2015 regjistroi mbi 21.5 milionë vizitorë, 60 drejtues shtetesh, 300 vizita zyrtare të nivelit të lartë. Pavijoni i Shqipërisë ishte pjesë e një prej Clusterave me tematikë të posaçme Expo2015, Cluster BioMediterraneo në të cilin së bashku me vendet e të njëjtit pellg ndau promovimin e produkteve Bio nën moton e përzgjedhur unifikuese: Shëndet, Bukuri dhe Harmoni. Kjo bashkësi dëshmoi vlerën e dhe domethënien e takimit, bashkëpranisë dhe integrimit, në një atmosferë të përbërë nga ngjyra e shije të ngërthyera në një përvojë kulturore unike.
Në trajektoren e ngjitjes së KlikEkspoGroup në sektorin e mbrojtjes dhe sigurisë, bashkëpunojmë me SECOM nga Roma - Italia, që prezanton në Tiranë teknologjinë e re dhe unike për kohën në mbarë botën: sistemet e njohjes dhe analizimit të të dhënave somatike personale, pajisje dhe aparatura për identifikimin e autenticitetit të dokumenteve të sigurisë së lartë dhe kartëmonedhave, etj. Pas një testimi të arrirë gjatë Samitit te G7 në Taormina, për llogari të forcave të policisë shkencore dhe karabinierëve në Itali, sistemet FAD dhe BIOFAD të prodhuara nga Secom srl po testohen edhe në Tiranë.
After a test achieved during the G7 Summit in Taormina, on behalf of the scientific police department and Arm of Carabineers in Italy, the FAD and BIOFAD systems produced by Secom srl have already been installed in Tirana.
MICE - MENAXHIM I EVENTEVE, KONFERENCAVE, FORUMEVE
Evenimente ndërkombëtare, ngjarje kulturore me peshë, misione e fushata tregtare, tregojnë se si KlikEkspoGroup tashmë ka bërë një pakt të pathyeshëm me vendin e Shqiponjave por edhe me mbarë Ballkanin, për të promovuar dhe lartësuar vlerat e Gadishullit të kontrasteve konstruktive. Në fushën e manaxhimit të eventeve dhe MICE, falë përvojës shkrirë me profesionalizimin e KlikEkspoGroup, na kanë besuar imazhin dhe promovimin e punës së tyre një portofol i pasur institucionesh, programesh botërore dhe ndërmarrjesh shtetërore UNICEF, USAID, NATO, Aeroporti Nënë Tereza, Kongrese Ndërshtetërore e Ndërqeveritare, Ministeriali i Ministrave të Transportit, Konferenca të Avokatit të Popullit, Këshillit të Lartë të Shtetit, e më tej, prezatime produktesh, markash dhe korporatash, (më shumë në vijim):
Misionet Tregtare dhe Ekonomike, Vizitat në terren, Turet në Fabrika dhe Linja Prodhimi, Business Matchmaking, B2B dhe B2G, janë instrumentet më të arrira me qëllim që të lehtësojnë rrugën e sipërmarrësve ndërkombëtarë për të njohur oportunitetet shqiptare, Ballkanike dhe të Evropës juglindore.
Koncepti i "Atelieve të Biznesit", është një hapësirë takimesh virtuale ose hibride në të cilën palët e interesuara që ndajnë perspektiva të përbashkëta, kanë qasje të veçantë për të kontaktuar me partnerë të vlefshëm. Mos harro takimet virtuale: në megaekranë të dukshëm me sy të lirë nga këndvështrime të ndryshme të mega-sallave të posaçme për takimet e biznesit në “Zonat e Atelieve të Biznesit”, do të transmetohen live takimet, fjalët përshëndetëse, prezantimet e produkteve, spote publicitare, sfilata dhe toure virtuale biznesi apo turistike;
Western Balkans Waste Soltutions (Markë e Regjistruar në 2017), u përftua nga sinergjia mes KlikEkspoGroup dhe Studio e Konsulencës Mjedisore G&G drejtuar nga aktivisti Sazan Guri, dijetarë e studiues të përkushtuar e me ndjesi të larta qytetarie që mëtojnë të jetuarit shëndetshëm në një mjedis të dëlirë.
Ekspokongresi për Mjedisin dhe Menaxhimin e Mbetjeve – Western Balkans Waste Soltutions, një nismë që qarkoi çdo shtresë, akademikë dhe të rinj të mobilizuar, OJF, përfaqësues të Shoqërisë Civile, qytetarë në kërkim të informacioneve shteruese, studiues dhe zbatues, investitorë e mendje inxhinierike: Prania e mbi 12 Universiteteve dhe Institucioneve autoritare të arsimit dhe shkencës, politikëvënëse dhe urdhërzbatuese, e shquan që në fillim Ekspokongresin si më të arrirën mes nismave të ngjashme deri më sot të ndërtuara në Tiranë e mbase edhe më gjerë.
CEREMONI, ÇMIME E VLERËSIME
Pjesëmarrës në çdo takim e mbledhje të Komitetit Drejtues dhe të Asambleve të Përgjithshme të CEFAs, KlikEkspoGroup është votuar dy herë i përzgjedhuri mikpritës i Asamblesë Vjetore të Komitetit Drejtues të CEFA – Aleanca e Panaireve të Evropës Qëndrore, me pjesëmarrjen e përfaqësuesve të enteve evropiane me përvojë shekullore, Hungexpo; Reed Exhibition Wien; Munchen Fair; Adriatic Fair of Budva; Klegenfurter Messe (përkatësisht në vitet 2012 dhe 2017). Përmes punimeve të Asamblesë, CEFA kujton se misioni i sektorit të Panaireve është dukshëm kontribues në integrimin, miqësinë, nisma zhvillimore, kulturim popujsh e kombesh. E tanimë, nga Tirana, merren vendime afatgjata në një nga Industritë më me peshë ne zhvillimin dhe promovimin e ekonomisë e sipërmarrjes evropiane: siç ishte për shembull Aprovimi i Statutit të ri Ri të Aleancës, që nxit bashkëpunimin mes Panaireve të kryeqyteteve dhe metropoleve evropiane, dhe organizimin e Panaireve itinerante në bashkautorësi.
Sytë nga vetja: Ceremonia e Çeljes së Panairit Ndërkombëtar të Tiranës (eventi i përvitshëm që prej 1994), mbart të veçantën e gërshetimit të së shkuarës, tashmes dhe të ardhmes të Kryeqytetit të Shqipërisë: në atmosferën e spikatur të Pallatit Mbretëror (Pallati i Brigadave) një nga ndërtesat më të rëndësishme me arkitekturë të rrallë, ekspozuesit ndërkombëtarë të përzgjedhur, personalitete të larta të përfaqësive diplomatike, përfaqësues të medias dhe opinion-makers, kanë ftesën për të shijuar një program të madh festiv dhe kulturor të kuruar nga Klikekspogroup. Tradicionalisht, kultura përshkon tej Ceremoninë e Inaugurimit, gjatë së cilës kohët e kulturës dhe trashëgimisë zgjedhohen në ritmin e së shkuarës së valleve të Ansamblit Popullor, kuartetit të harqeve, akrobatëve të Cirkut Kombëtar, dhe ngjyrave të së ardhmes performuar nga mjeshtra të artit të ardhur nga të gjitha skajet e globit. Për ekspozuesit e huaj, një Shqipëri që mëkon kulturë përshfaqet me të njëjtën madhështi të vendit ndjellës me oportunitete të pamata biznesi.
Efekti "matrioshka" i surprizave të Ceremonisë së Inaugurimit, event brenda eventit: Ceremonia e Medaljeve "Shqiponja e Artë e KlikEkspoGroup", një Ceremoni e veçantë vjetore kushtuar kontribuesve dhe personaliteteve të shquara, si nga biznesi ashtu edhe nga komuniteti social të cilët gjatë viteve kane treguar një angazhim real në fushat e tyre për të forcuar lidhjet kulturore dhe sociale në arenën ndërkombëtare, si dhe kanë kontribuar për një botë më të mirë për brezat e ardhshëm. Personazhe që kanë ndikuar dhe bërë krenarë të gjithë shqiptarët anekënd, janë çmuar me Medaljen “Shqiponja e Artë”, firmuar nga komisioni i vlerësimit, i përbërë po ashtu edhe nga ekspozuesit ndërkombëtarë të përzgjedhur që frymëkëmbejnë me realitetin shqiptar përmes evenimenteve të Klik Ekspo Group. Medalje të tjera u akordohen po ashtu artistëve e regjisorëve, përfaqësues të medias, sipërmarrës të spikatur, filantropë, politikanë e politologë etj.
2,000
35,000
1,500,000
Significant Partnerships
Banks & Financial Institutions
CEFA - ALEANCA E PANAIREVE TË EVROPËS QENDRORE
"Ballkani, Toka e Kontrasteve ... tanimë, Toka e Premtuar" ... Eventet tona formësohen nën këtë lajtmotiv, duke rikonfirmuar Shqipërinë si Porta e vetme drejt e përtej Ballkanit, një realitet socio-ekonomik me mbi 200 milion konsumatorësh, me nivel mbi 75% këmbime ekonomike me BE, një Rajon pa të cilin vetë thelbi i Komunitetit Evropian do të ishte i paplotë. Udhëtimi ynë nisi këtu, në Ballkan, e më tej fushëveprimi u zgjerua në Evropën Juglindore, Evropën Qendrore, duke synuar në çdo hap hyrjen në familjen e madhe Evropiane.
UFI - ORGANIZATA GLOBALE E INDUSTRISË SË PANAIREVE DHE EKSPOZITAVE
Besojmë se Industria e Panaireve dhe Ekspozitave, është krijuar pikërisht për t'u mbledhur bashkë e për të ndarë synime dhe aspirata. Një vend në të cilin njerëzit të përjetojnë të ardhmen në premierë! Një hapësirë në të cilën të mund të prodhojnë dhe realizojnë ide dhe përfytyrime. Po aq sa dhe një vendtakim ku të ndajnë e mësojnë mbi kultura e tradita të afërta e të largëta. Ndaj dhe kështu e përvetësojmë dhe përçojmë misionin e UFI-t përmes punës sonë, krah 85 vendeve të botës.
UFI - ORGANIZATA GLOBALE E INDUSTRISË SË PANAIREVE DHE EKSPOZITAVE
Besojmë se Industria e Panaireve dhe Ekspozitave, është krijuar pikërisht për t'u mbledhur bashkë e për të ndarë synime dhe aspirata. Një vend në të cilin njerëzit të përjetojnë të ardhmen në premierë! Një hapësirë në të cilën të mund të prodhojnë dhe realizojnë ide dhe përfytyrime. Po aq sa dhe një vendtakim ku të ndajnë e mësojnë mbi kultura e tradita të afërta e të largëta. Ndaj dhe kështu e përvetësojmë dhe përçojmë misionin e UFI-t përmes punës sonë, krah 85 vendeve të botës.
UFI - ORGANIZATA GLOBALE E INDUSTRISË SË PANAIREVE DHE EKSPOZITAVE
Besojmë se Industria e Panaireve dhe Ekspozitave, është krijuar pikërisht për t'u mbledhur bashkë e për të ndarë synime dhe aspirata. Një vend në të cilin njerëzit të përjetojnë të ardhmen në premierë! Një hapësirë në të cilën të mund të prodhojnë dhe realizojnë ide dhe përfytyrime. Po aq sa dhe një vendtakim ku të ndajnë e mësojnë mbi kultura e tradita të afërta e të largëta. Ndaj dhe kështu e përvetësojmë dhe përçojmë misionin e UFI-t përmes punës sonë, krah 85 vendeve të botës.
SQ 
EN