ALBANIAN MILITARY EXHIBITION
ALMEX – Albanian Military Exhibition lindi si pasaporta e “Shqipërisë në NATO”, teksa vendi vetiu përfshihej në sinergjitë e bashkëpunimit dhe integrimit Euroatlantik si një zë i ri kumbues në qerthujt ndërkombëtarë të Sigurisë dhe Mbrojtjes. Hovi i sektorit të mbrojtjes dhe sigurisë teksa kërkesat e Institucioneve shtetërore të Mbrojtjes dhe Sigurisë harkoheshin nën dritën e kritereve për reformim dhe standardizim, të pandara nga një mendësi dhe vizion global, nxiti KlikEkspoGroup të çelte një dritare mbi këtë industri me një expo-show unik e pararojë edhe për simotrat e mbarë Ballkanit ku evenimente të tilla ndërkombëtare për Mbrojtjen dhe Sigurinë, ende sot janë të rralla. Në biografinë e KlikEkspoGroup, Panairi për Mbrojtjen dhe Sigurinë, është ndër frontet bukurazi të latuara deri në imtësi, motërzimi shqiptar i evenimenteve botërore të mbrojtjes dhe sigurisë; për Vizitorin evenimenti kult që nuk shter së ngjalluri kureshtje, e për vetë pjesëmarrësit, vendas, të huaj, entitete private apo institucione shtetërore, një "demonstrim i fuqisë së të mirës" në të gjitha kahet. “power of good deeds” in all perspectives.
AVANTAZHE:
Me metamorfozën që gjithë Sistemi i Mbrojtjes dhe Sigurisë po përjeton, Ballkani Perëndimor duket të jetë një faktor kyç që tërheq vëmendjen e liderëve botërore për të propozuar teknologji e zgjidhje të menjëhershme e afatgjata; Fermentimi mes kërkesës së brendshme imediate dhe propozimeve evropiane dhe ndërkombëtare të shpejta, i garanton evenimentit statusin e një pikëtakimi të veçantë nga ku shpaloset "progresion i një tregu";
Ballkani Perëndimor është një ruletë mundësish për industrialistët nga bota mbarë: një industri e hershme në sektorin e mbrojtjes, armatim, municione, uniforma, lëndë plasëse, kampingje trajnimesh e stërvitjesh, industria e formimit ushtarak, shkolla dhe institucione formimi dhe kualifikimi për figurat e mbrojtjes dhe sigurisë, janë fusha ku oferta për risi teknologjike dhe zgjidhje të zgjuara mirëpritet;
Modernizimi dhe standardizimi i Bazës Ajrore e NATOs në Kuçovë, një investim serioz i Aleancës së Atlantikut Verior dhe Qeverisë Shqiptare, është e para në Ballkanin Perëndimor, dhe dëshmon për partnershipin serioz dhe kontributin konkret të Shqipërisë në misionin e NATOs.
Stërvitja kolosale e forcate të NATOs Defender Europe 2021, që nisi nga strategjikisht nga Durrësi në fillim të majit 2021, me alokimin e 6.000 trupave në 6 baza ushtarake të ndryshme në Shqipëri, si në Kuçovë, Farkë, Bizë, është një tjetër sinjal thelbësor që tregon përparësinë e Shqipërisë në Rajon si anëtar i Aleancës, lexuar kjo edhe në aspektin ekonomik & social.
PROFILI I EKSPOZUESIT:
TISDE është vitrina rrotulluese 360 gradë e teknologjive të orës së fundit, me informacion të bollshëm e zgjidhje të zgjuara për çështjet e mbrojtjes dhe sigurisë. TISDE bën të mundur që kompanitë ekspozuese të ankorojnë të sigurta më pranë audiencës së synuar; ekspozuesit e kurorëzojnë pjesëmarrjen jo vetëm me njohje të reja që kthehen në klientë fundorë, por edhe me trade-partnershipe konkrete e të vlefshme në të gjitha hallkat e tjera të prodhimit dhe shpërndarjes së produkteve dhe shërbimeve të ekspozuara.
Veçantia e TISDE, sjell në qendër të vëmendjes “njeriun”: formati i ushtarakut të ri përballë pajimeve dhe armatimeve të zgjuara, forcat e rendit më pranë qytetarit, burimet njerëzore përballë risive teknologjike. “Siguria” vjen në tërë sinoniminë e saj në jetën e përditshme të qytetarit po aq sa koncepti i mbrojtjes bëhet më i perceptueshëm e më i shpjegueshëm.
PROFILI I VIZITORIT:
Edhe për kompanitë që përzgjedhin pjesëmarrjen e tërthortë si vizitor, TISDE & ALMEX do të jetë njëlloj i vlefshëm dhe efikas, duke u ofruar të dy palëve host & guest hapësira komunikimi e ndërveprimi. Ndërlidhja me kolegë dhe partnerë dhe informacioni i duhur në momentin e duhur përbëjnë fuqinë e një pjesëmarrjeje të dalë mbanë. Gjatë evenimentit do të funksionojnë hapësira të përbashkëta networking dhe pushim kafeje free of charge në të cilat ekspozuesit mund të prezantohen dhe përftojnë ndërsjellash informacione të vlefshme të moderuara nga personalitete dhe përfaqësues të Dikastereve të Mbrojtjes dhe Sigurisë së Shqipërisë apo Rajonit.
Përgatituni të takoni gjatë pjesëmarrjes
- CEO, CSO, CISO,
- Përfaqësues të Qeverive Rajonale;
- Delegacione Ushtarake të Sigurisë dhe Mbrojtjes;
- Personalitete të mbrojtjes kombëtare;
- Profesionistë të zbatimit të ligjit
- Konsulentë të sigurisë
- Top menaxherë të industrisë së mbrojtjes dhe sigurisë
- Sipërmarrës, tregtarë e distributorë.
PARTNERITETE GLOBALE DHE MUNDËSI BASHKËVEPRIMI:
- Ministritë e Mbrojtjes që përfaqësojnë tregun rajonal (Ministritë e Mbrojtjes së Malit të Zi, Ministrinë e Forcës dhe Sigurisë së Kosovës, Ministria e Mbrojtjes e Slovenisë, Kroacisë, Bosnjes dhe Hercegovinës, Maqedonisë së Veriut, etj.).
- Ministria e Mbrojtjes e Shqipërisë: niveli i lartë përfaqësues nga Drejtoria e Modernizimit apo Drejtori të tjera të Ministrisë;
- Delegacione zyrtare nga Shtabet e Përgjithshme të Forcave të Armatosura të Rajonit si dhe përfaqësues të lartë të Shtabit të Përgjithshëm të Forcave të Armatosura shqiptare;
- Delegacione zyrtare nga Ministria e Brendshme e Shqipërise dhe Ente homologe të Rajonit.
- Vendimmarrësit e nivelit të lartë nga Drejtoria e Emergjencave Civile, Drejtorisë së Përgjithshme të Policisë së Shtetit etj.
- Agjencitë Private të Sigurimit: interesuar për blerjen e mallrave ushtarake dhe të atyre me përdorim të dyfishtë;
- Delegacionet e vendimmarrësve nga vendet rajonale, të tilla si Kosova, Serbia, Maqedonia, Mali i Zi, Kroaci, Bosnje&Hercegovinë, etj.
PROGRAMI SOCIAL & EVENTET SHOQËRUESE:
- Mbrëmja e Sponsorit: takim recepsion me një ekspert-personalitet ndërkombëtar të njohur në fushën e Sigurisë, ekspert i armatimeve dhe teknologjisë së sigurisë.
- Workshope dhe Seminare me fokus në çështje të brendshme në partnership me palët ndërkombëtare: figura e re e ruajtësit të rendit, policia e qytetarit, ruajtja e të dhënave personale, siguria rrugore, menaxhimi i integruar i kufijve, sistemet e sigurisë në porte dhe aeroporte, prodhimi dhe personalizimi i dokumenteve të identitetit.
- Toure të udhëhequra në Akademitë Profesionale dhe Poligonet e para private, si demonstrime konkrete të zërave të ekspozuar: sistemet e sigurisë dhe alarmit, forcave të sigurisë personale dhe të objekteve, ushtrimit dhe trajnimit të qitjes për profesionistët.
- Program i detajuar me Demonstrime live të Forcave të Rendit duke vënë në përdorim mjete dhe pajime të ekspozuara në Panair nga kompanitë vendase dhe të huaja: demonstrim armatimesh; uniforma; mjete dhe pajisje për vetëmbrojtje; automjete dhe mjetet kundër trazirave; simulime për luftën kundër terrorit, trafiqeve dhe krimit të organizuar. Demonstrimet parashikohen të zhvillohen në Poligonet e përcaktuara.
- Ndër të tjera kureshti si Festivali i Orkestrave Frymore, Ekspozita e Uniformave dhe Armatimeve ndër vite, mirëpresin jo vetëm vizitorin profesional por edhe publikun e përgjithshëm civil (për këta të fundit, sipas rregullores dhe në oraret përkatëse).
KONFERENCA & B2B
Në konferenca dhe ballafaqime mbi sigurinë dhe mbrojtjen ndërkombëtare të nxitura dhe hartuara nga Ministria e Mbrojtjes, Ministria e Brendshme dhe Institucionet përkatëse shtetërore, relatorë strategjikë janë përfaqësues të delegacioneve shtetërore të vendeve anëtare të NATOs apo vendet aspirante duke ruajtur statusin e një prodhuesi të paqes në Ballkanin Perëndimor e në mbarë botën ku misionet shqiptare “paraqesin forcën”, duke treguar profilin e Shqipërisë së sotme si partner i besueshëm dhe i sigurtë Evropian, promotor i stabilitetit dhe zhvillimit ekonomik; nga ana tjetër me modestinë që e bën të madh një komb të vogël, ky event është rruga e drejtpërdrejtë për Shqipërinë për t’u ballafaquar e përfituar nga përvoja e shteteve me demokraci dhe stabilitet të konsoliduar tashmë. Përmes këtij “samiti” gjejnë terren mundësi të panumërta për të diskutuar dhe për të analizuar hartën e të panjohurave të çështjeve që lidhen me sigurinë në këto tregje dhe industrinë e mbrojtjes.Me tiparin kyç si e vetmja veprimtari Business to Government në vend për fushën e mbrojtjes dhe sigurisë, dhe zotimin e dikastereve dhe autoriteteve të sigurisë dhe të mbrojtjes për të ndërvepruar me multinacionalet nga Franca, Italia, Republika Çeke, Sllovakia, Polonia, Norvegjia, Gjermania, Mbretëria e Bashkuar, e Institucione homologe, KlikEkspoGroup tregon një herë më tepër vullnetin për vazhdimësinë e kësaj nisme unike.
DEMONSTRIME LIVE
Performanca të prekshme nga afër live - karakteristika tjetër e TISDE & ALMEX: Poligonet dhe qytetet taktike, simulime detare, show ajror, skuderitë ushtarake, të gjitha të vizitueshme sipas një guidë të posaçme, janë sfondi natyral për demonstrime të armatimeve, automjeteve, pajimeve ushtarake, teknologjive të reja të ekspozuara në TISDE. Jo vetëm ekspozim linear, por gjithëpërfshirje e Forcave të Armatosura, efektivave të Policisë dhe Ruajtjes së Rendit, Forcave Komando, si përdorues fundorë të teknologjive të prezantuara; simulime të luftës kundra terrorizmit, shpëtimit të pengjeve, emergjencat civile, operacione shpëtimi, show instruktivë ndërlidhje e simulime luftarake, dhe akoma, stërvitje të ushtarakëve të rinj apo forcave speciale, bashkëpunime me ushtri të vendeve të tjera anëtare të NATOs.
STACIONI I MBROJTJES
STACIONI I SIGURISË
EMERGJENCAT CIVILE
MEDIA & HISTORIK
Që në edicionin e parë, Evenimenti me akronimin ALMEX – Albanian Military Exhibition, ishte epiqendra e medias ndërkombëtare, fotoreporterëve, analistëve, magazine-ve të specializuara si ArmyRecognition, Commando, Armada, Defence Magazine, përfaqësues të TV Rajonale e Evropiane (mbi 45 Media të akredituara). ALMEX u ngjason simotrave të tij në edicionet e para, me të njejtën kërshëri të vizitorëve dhe të njëjtin vullnet e profesionalizëm të ekspozuesve, tregon Parnteri Mediatik Zyrtar “Army Recognition”. Prestigjiozja franceze “Commando” përqendrohet gjatë mbi ndërmarrjet shtetërore ushtarake në proces rimëkëmbjeje dhe demilitarizimi, duke i lënë një hapësirë të bollshme Misioneve të Forcave Komando Shqiptare në Afganistan dhe në misione të tjera ku është thërritur flamuri i Forcave të Armatosura Shqiptare.
SQ 
EN