TEXTILE FASHION & FAÇON EXPO
Një Ekspo “sipas Klik-ut”, me vëmendjen tek një sektor që kryqëzohet në të gjitha etapat e historisë shqiptare, herë shquar si traditë e vepër arti, herë burim jetese dhe zhvillimi ekonomik; një prej sektorëve më të rëndësishëm prodhues në Shqipëri: zotëron peshën kryesore të eksporteve, prodhon punësim dhe mirëqenie sociale, krijon lajm dhe lëvizshmëri, ndërgjegjëson për vlerat autentike të së bukurës.
Prodhuesit “Made in Albania”, të vërteta të prekshme të një industrie që zhvillohet përmes të shkuarës me standarde të modernizuara, përfaqësuar nga emra identifikues të ndërmarrjeve shqiptare që garojnë bindshëm në epokën e tregjeve, globale duke ruajtur traditën dhe qarkulluar të mira brenda vendit: të mirat në punësimin e shtresave të ndryshme, të mirat në shpërndarjen gjeografike të këtyre realiteteve sipërmarrëse, të mirat në rritjen e vetëvlerësimit dhe tundimit të natyrshëm të konsumatorit për të përzgjedhur mallra të prodhuara në vend.
Ekspertët e konsiderojnë Textile, Fashion and Façon Show si një mundësi e mirë për të shfaqur zhvillimin e një industrinë rritje, dhe për të treguar sesi sipërmarrësit vendas kanë arritur të krijojnë sistemin e nevojshëm për të mbajtur të ardhurat dhe të mirat materiale në vend, duke ruajtur të paprekur eksportet dhe bashkëpunimet ndërkombëetare. Reagimi i menjëhershëm dhe pjesëmarrja dinamike e vendeve të rajonit, dëshmon gatishmërinë natyrore midis sipërmarrësve të afërt gjeografikisht për investime të ndërsjella dhe bashkë-zhvillim. Në mesin e 100 ekspozuesve dhe markave ndërkombëtare dhe vendore të përfaqësuara në edicionin e fundit të Show, nga Kosova, Italia, Greqia, Serbia, ndërmarrjet që prodhojnë tekstile dhe veshje, shtëpi të modës dhe dizajnerë, shfaqën histori suksesi se si përmes inkurajimit dhe mbështetjes së nevojshme ata mund të kthehen në gjeneratorë të zhvillimit të sektorit.
Një tezgjah virtual, fill lidhës mes traditës së hershme të përpunimit të tekstilit në Shqipëri dhe Ballkan nyjëzuar me zhvillimin e vrullshëm sipas standardeve globale, ringjalljen e vlerave të punës së dorës përballë produkteve të teknologjisë së lartë e miqësore me mjedisin. Me largpamësinë e zhvillimit afatgjatë të sektorit në Shqipëri, e cila nëse nuk është kthyer ende, do të kthehet shumë herët në një pikë referimi për mbarë Rajonin e Evropës Juglindore, mirëpret pjesëmarrës që ofrojnë produkte finale të markave ndërkombëtare, lëndë të parë e teknologji, tekstile e lëkurë, përvoja menaxhimi e marketimi të shëndetshëm, mjeshtëri artistike, zgjidhje real-estate etj, por mbi të gjitha gatishmërinë për të punuar ngushtë me shqiptarët dhe investuar në vend.
PROFILI I EKSPOZUESIT:
- Sipërmarrësi konfeksionist
- Sipërmarrësi fason (dhe nënkontraktori)
- Prodhuesi dhe tregtari i lëndës së parë (tekstil, lëkurë, lesh, pambuk, mëndafsh).
- Prodhuesi dhe tregtari i teknologjive (makineri e pajisje)
- Stilistë, Ateliers të Modës, Brands dheMarka Ndërkombëtare
- Prodhues të veshjeve të punës
- Prodhues të veshjeve ushtarake
- Prodhues dhe tregtare të tekstilit për shtëpinë dhe arredimin
- Qëndistari, punëdore, thurje, punë me shtiza, tezgjah tradicional/ artizanal
- Institucione shtetërore
- Shoqatat e biznesit, Clusters, Konsorciume
- Shkolla, Akademi design industrial, Universiteti Politeknik, Departamenti i Tekstilit dhe Modës; Universiteti i Arteve, etj.
- Teknologji: makina qepëse; mirëmbajtje;
- Përpunim i lëkurës
- Shkolla profesionale
- Shtëpi të Modës dhe Ateliers
- Stilistë të rinj
- Rrjete dyqanesh, Outlets
- Blerje konfeksionesh online / Porosi nëpërmjet katalogut
- Prodhues në industrinë e paketimit, ambalazhimit, etiketimit etj.
PROFILI I VIZITORËVE:
- Shtëpi mode, Atelietë e modës, stilistë
- Opinion makers, Blerës, Ndërmjetës
- Rrjete të shpërndarjes së organizuar të punës outsourcing
- Rrjete dyqanesh fashion
- Shkolla dhe Universitete
- Punëkërkues, profesionistë të kualifikuar,
- Kompanitë ambalazheve, paketimeve
SQ 
EN